• Անկախության 35-ամյակին նվիրված համերգը՝ Հանրապետության հրապարակում (ֆոտոռեպորտաժ)

  Տատա Սիմոնյանի երգերի տակ՝ պար ու տժոց Հանրապետության հրապարակում...

• Հայաստանի պետական սիմֆոնիկ նվագախումբը սկսում է 21-րդ համերգաշրջանը․ «Մեր նպատակն է Հայաստանը ներկայացնել աշխարհի մշակութային քարտեզում»

  Հայաստանի պետական սիմֆոնիկ նվագախումբը ազդարարել է նոր՝ 21-րդ համերգաշրջանի մեկնարկը․․․

• «Սիմֆոնիկ ճամփորդություն»․ դասական երաժշտության գլուխգործոցները՝ մեկ երեկոյի ընթացքում

  Հայաստանի պետական սիմֆոնիկ նվագախումբը հուլիսի 1-ին և 2-ին բոլորին հրավիրում է յուրատեսակ սիմֆոնիկ ճամփորդության...

• ՈւՂԻՂ․ Հայաստանի պետական սիմֆոնիկ նվագախումբը` Շանհայի Չենշան երաժշտական փառատոնին

  ՀՀ կրթության, գիտության, մշակույթի և սպորտի նախարարության աջակցությամբ Հայաստանի պետական սիմֆոնիկ նվագախումբը հանդես կգա Չինաստանում կայանալիք համերգներով...

• «Հարրի Փոթերը և Փիլիսոփայական քարը» ֆիլմն առաջին անգամ Երևանում կցուցադրվի Հայաստանի պետական սիմֆոնիկ նվագախմբի կենդանի կատարման ուղեկցությամբ

  Հունիսի 3-ին՝ Կարեն Դեմիրճյանի անվան մարզահամերգային համալիրում կկայանա «Հարրի Փոթերը և Փիլիսոփայական քարը» ֆիլմի ցուցադրությունը, բայց՝ յուրահատուկ ձևաչափով...

• Հայաստանի պետական սիմֆոնիկ նվագախումբը նշեց 20-ամյակը՝ աշխարհահռչակ դաշնակահար Լանգ Լանգի մասնակցությամբ

  Եթե հարցնեիք՝ պատկերացնո՞ւմ էի, որ կունենանք մեր հնչողությունը, կասեի՝ ոչ. դիրիժոր Սերգեյ Սմբատյան...

• Հենրիխ Մխիթարյանի շնորհավորական ուղերձը Հայաստանի պետական սիմֆոնիկ նվագախմբի 20-ամյակի առթիվ

  Հայաստանի պետական սիմֆոնիկ նվագախումբը շարունակում է շնորհավորանքներ ստանալ իր 20-ամյակի առթիվ՝ ոչ միայն մշակութային հայտնի ներկայացուցիրներից, այլև անվանի մարզիիկներից...

• Հայկական ոգին, ուժն ու հաղթանակի խորհրդանիշը՝ «Յարխուշտա»-ն, այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմն

  Հայկական մշակույթի և սպորտի միավորումը ստանում է նոր, հնչեղ արտահայտություն․ Հայաստանի պետական սիմֆոնիկ նվագախմբի կատարմամբ «Յարխուշտա»-ն այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմնը...

Հայաստանի պետական սիմֆոնիկ նվագախումբը 2025 թվականի հունվարի 17-ից 19-ը Արաբական Միացյալ Էմիրությունների Դուբայ քաղաքում ներկայացնելու է «Սիմֆոնիկ Ռոք» համերգային ծրագիրը։ 

Նվագախումբը մեկնում է ԱՄԷ Դուբայի օպերայի հրավերով, որտեղ հունվարի 17-ին եւ 18-ին համապատասխանաբար կներկայացնի «Սիմֆոնիկ Զեփելին» եւ «Սիմֆոնիկ Նիրվանա» համերգները, իսկ հունվարի 19-ին՝ փոփի արքա Մայքլ Ջեքսոնի համաշխարհային ճանաչում վայելող երգերի սիմֆոնիկ կատարումները՝ «Սիմֆոնիկ Ջեքսոն» խորագրի ներքո: Հայաստանի հանրային ռադիոյի ստուդիայում տեղի են ունենում նվագախմբի վերջին փորձերը մեկնումից առաջ: 

NEWS.am STYLE-ը հետեւել է ընթացքին ու զրուցել Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի հետ:  

«Շատ ոգեւորված ենք, շատ պատասխանատու ելույթ ունենք մեր «Սիմֆոնիկ Ջեքսոն» նախագծով: Գուցե, թվա, թե պոպուլյար երաժշտությունն ավելի հեշտ է տրվում, բայց դասական-ակադեմիական նվագախմբի համար որքան էլ նման ոճային փոփոխությունը մեծ ոգեւորություն է, նաեւ կան դժվար մասեր: Մեր շատ տաղանդավոր կոմպոզիտոր Մարտին Ուլիխանյանը «Սիմֆոնիկ Ջեքսոնն» ընկալել է որպես, իսկապես, շատ բարդ պարտիտուր, բայց մենք հաղթահարում ենք եւ շատ ոգեւորված ենք, որ փաստորեն առաջին անգամ Հայաստանից միջազգային ճանաչելիության ծրագիր է դուրս գալիս միջազգային շուկա։ Այսօր մենք խոսում ենք Դուբայի եւ Աբու Դաբիի մասին՝ սրանք այն քաղաքներն են, որոնք ընդունում են լավագույն եւ ամենահայտնի փոփ աստղերին: Ունենք նաեւ «Սիմֆոնիկ Զեփելին» եւ «Սիմֆոնիկ Նիրվանա»՝ սրանք այն ծրագրերն են, որոնք պոպուլյար երաժշտության եւ սիմֆոնիկ նվգախմբի սահմանին են՝ ապացուցելով, որ նվագախումբը, որպես գործիք, կարող է նվագել ամեն ինչ»: 

Հայաստանի պետական սիմֆոնիկ նվագախմբի «Սիմֆոնիկ Ջեքսոն» ծրագիրը ծանոթ է երեւանյան հանդիսատեսին, սակայն Սմբատյանի խոսքով՝ այն լրացվել է, եւ առաջիկա համերգներին կհնչեն նաեւ նոր գործեր: Նա փաստեց, որ նվագախմբի բոլոր անդամները մեծ ոգեւորություն ու պատասխանատվություն են զգում ամեն անգամ միջազգային հարթակներում ներկայանալիս: 

«Օրեր առաջ վերադարձանք Չինաստանից, որտեղ ունեինք մեծ համերգաշար։ Իհարկե, զգում ենք արտիստին բնորոշ ոգեւորություն, պատասխանատվություն եւ հուզմունք, քանի որ ներկայացնում ենք Հայաստանը եւ միշտ փորձում անդրադառնալ մեր հեղինակներին: Եթե նայենք ցուցանիշներին, Սիմֆոնիկ նվագախումբն ամենաշրջագայող կոլեկտիվն է Հայաստանում: Դա նպատակ չէր մեզ համար, այլ արդյունքն է նրա, որ նվագախումբն ունի կատարողական իր ոճը, տեսակը, դրա համար ամեն անգամ ելույթ ունենալով դրսում՝ փորձում ենք պահել այդ հատկանիշները, եւ կարծես՝ ունենք հաջողություն, ու ամեն ինչ անում ենք, որ այդպես լինի»: 

2024-ը բավական հագեցած տարի էր նվագախմբի համար: Սմբատյանի գնահատմամբ՝ ունեցան 19 տարիների ընթացքում ամենամեծ ձեռքբերումներից մեկը՝ «Դոյչե Գրամոֆոն»-ի հետ թողարկելով Ազնավուրի 100-ամյակին նվիրված ձայնասկավառակը: Հայաստանի պետական սիմֆոնիկ նվագախմբի գեղարվեստական ղեկավարը խոստանում է՝ 2025-ը չի զիջի ակտիվությամբ: 

«Ունենք շատ հրավերներ Ասիայում, Եվրոպայում, եւ, իհարկե, այստեղ էլ կլինեն շատ մեծ համերգներ: Նպատակ ունենք նվագել գործեր, որոնք դեռեւս չենք կատարել, եւ շատ մեծ հույս ունեմ, որ մի փոքր ավելի պոպուլյար կդարձնենք մեր ժամանակակից կոմպոզիտորներին, որոնց մասին շատ խոսվում է, բայց չենք լսում: Այս տարի նաեւ շեշտը դնելու ենք մեր կրթական ծրագրերի վրա՝ մանկապարտեզներում, դպրոցներում եւ համալսարաններում»:

Ի դեպ, «Սիմֆոնիկ ռոք» համերգաշարի տոմսերը վաճառվում են Դուբայի օպերայի կայքում․ օգտագործելով Symphonic25 պրոմոկոդը կստանաք 25 տոկոս զեղչ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում